Følsk boð um pakka - vilja stjala pengar frá fólki

Politiið hevur nú aftur fingið fráboðanir frá fólki, sum hava fingið sms-boð ella teldupost um, at tey hava fingið ein pakka.

Fyri at fáa pakkan eru tey biðin um at trýsta á eina leinkju.

Men tey skulu tey fyri alt i verðini ikki gera.

Tí talan er um følsk boð frá fólki, sum vilja stjala pengar frá fólki.

Og tað gera tey, tá fólk trýsta á leinkjuna, sum tey vera biðin um at trýsta á.

Boðini koma ikki frá føroyskum telefonnummari hesa ferð.