1873 tilburðir av ebola í Kongo

Demokratiska lýðveldið Kongo sigur, at talið á staðfestum ebolatilburðum í landinum er vaksið upp í 1873.

Sambært myndugleikunum, eru 672 fólk deyð av smittuni. 

Tølini vórðu kunngjørd seint í gjárkvøldið, skrivar tíðindastovan Reuters.

30 til 50 prosent av teimum, sum fáa ebola, sum stavar frá Bundibugyo-virusfrábrigdinum, doyggja, og eingin góðkend koppseting ella viðgerð er fyri hetta frábrigdið.

Fyrstu ebolatilburðirnir í Kongo vóru staðfestir fyri minni enn tveimum mánaðum síðani, men smittan kann hava breitt seg í eina tíð, áðrenn fyrstu tilburðirnir vórðu skrásettir.

Sambært myndugleikunum eru nú tilburðir skrásettir í tveimum landspørtum aftrat, Haut-Uele og Tshopo, í ávikavist útnyrðingspartinum og har norðuri í landinum.

- Hetta er skjótast vaksandi ebola-útbrotið nakrantíð, ikki bara í sambandi við Bundibugyo-frábrigdið, men av øllum teimum ymisku virusunum, sum elva til ebola, segði Wessam Mankoula, leiðari fyri neyðtilbúgving á Afrikanska fólkaheilsustovninum í farnu viku.