Eru jaligari um Kina enn USA

Nýggj kanning, sum amerikanski granskingarstovnurin, Pew Research Center, hevur gjørt, vísir, at fleiri fólk kring heimin nú eru jaligari um Kina enn USA. 

Kanningin er gjørd í 36 londum, og í 25 av teimum siga fleiri seg vera jaligari um Kina enn um USA. 

Tað skrivar BBC. 

Serliga í Spania, Indonesia, Italia, Grikkalandi og Kanada eru fólk vorðin jaligari um Kina, vísir kanningin. 

Nógv halda, at Kina í minni mun enn USA leggur seg út í viðurskiftini hjá øðrum londum. 

Seks lond í kanningini eru framvegis jaligari um USA enn um Kina. Tey eru um Pólland, Filipsoyggjarnar, Suðurkorea, India, Japan og Ísrael. 

Hvørki Xi Jinping ella Donald Trump eru høgt í metum, men Xi Jinping klárar stendur seg betur enn amerikanski forsetin í kanningini.