Minnast hvalir

Felagsskapurin hjá Paul Watson ætlar at hava minningarhald um hvalir, sum íslendsku hvalabátarnir hava skotið í summar.

Minningarhaldið verður í Faxavíkini, har millum annað Reykjavík er.

Felagsskapurin biður íslendingar um at vera við í minningarhaldinum, sum, sambært felagsskapinum, verður friðarligt.

Skipið hjá Paul Watson, Bandero, er komið aftur í íslendskan sjógv.

Men tað hevur ikki funnið íslendska hvalabátarnar.

Paul Watson hevur lovað tí, sum kann siga teimum, hvar hvalabátarnir eru, 250.000 íslendskar krónur.

Tað er 13.000 krónur í okkara pengum.