"Birita" í uppskoti at fáa filmsvirðisløn Norðurlandaráðsins í ár

Heimildarfilmurin "Birita" er í uppskoti at fáa filmsvirðisløn Norðurlandaráðsins í ár.

Filmurin fylgir Biritu Mohr, sum hevur Alzheimers sjúku.

- Tilnevningin er við til at seta Føroyar og føroyska filmsmentan á breddan, sigur Búi Egason Dam, leikstjóri, sum eisini er sonur Biritu Mohr.

Rørandi og lýsandi

Føroyska nevndin hevur tilnevnt "Biritu" til Nordisk Råds Filmspris við tí grundgeving, at grundarlagið fyri filminum var so rørandi og lýsandi um lívið við Alzheimers sjúku, bæði sum sjúklingur og avvarðandi.

Samstundis sum Búi Egason Dam leikstjórnar leikin, noyðist hann at rættvísgera og grundgeva sínar ætlanir um at hava Biritu Mohr við sum leikari, tí tað vekirr ivamál um tey etisku viðurskiftini, tá ein við Alzheimers sjúku skal vera við í filminum. 

Hoyr innslag í útvarpstíðindunum:

Umframt føroyska heimildarfilmin "Birita" eru fimm spælifilmar úr Danmark, Finnlandi, Íslandi, Noregi og Svøríki í uppskoti til filmsvirðisløn Norðurlandaráðsins. Allir seks filmar verða sýndir á filmsfestivalinum í Haugesund í Noregi í morgin. 

Vinnarin verður avdúkaður 20. oktober. Virðislønin er 300.000 krónur.

Her sæst ein brellbitin úr filminum.