- Tíðindi, mentan og ítróttur
Landsstýrismaðurin: Royna at finna oljufeløg at leita undir Føroyum
Landsstýrismaðurin: Royna at finna oljufeløg at leita undir Føroyum
Jacob Vestergaard, landsstýrismaður, er í hesum døgum á oljumessu í Stavanger í Noregi
Jacob Vestergaard, landsstýrismaður í vinnumálum, heldur, at stór politisk undirtøka er fyri at taka oljuleitingina undir Føroyum uppaftur.
25.08.2026 - 18:00
- Vit royna at finna oljufeløg at koma higar at leita og bora eftir olju.
Tað sigur landsstýrismaðurin í vinnumálum, Jacob Vestergaard, sum í hesum døgum er á stórari oljuráðstevnu í Stavanger í Noregi.
Har eru nærum 73.000 vitjandi úr 102 londum, og ikki færri enn 1150 fyrilestrar eru á skránni.
Støðan er broytt
Jacob Vestergaard heldur, at støðan er broytt, síðani leitingin eftir olju helt uppat í føroyskum øki fyri góðum 10 árum síðani. Hann heldur, at stórur politisk undirtøka nú er fyri at taka oljuleitingina uppaftur.
- Støðan í heiminum er broytt, og vit eru sannførd um, at oljan verður ein týðandi orkukelda í mong ár aftrat. Tí vóna vit, at oljufeløgini eisini síggja møguleikan at fáa olju upp úr føroysku undirgrundini, sigur Jacob Vestergaard.
Hoyr innslag í útvarpstíðindum:
25082026_Vestergaard_og_olja
Er kopiera
Nýggjastu sendingar í ÚV
Nýggjastu sendingar í SV
