Meiriluti ger móti vísindaligum og vinnuligum tilmælum

Landsstýrismaðurin fekk nógv hoyringsskriv í sambandi við uppskotið um at geva bólki 5B fleiri fiskidagar, og nógv tey flestu mæltu frá at samtykkja tað.

Vísindafólkini á Havstovuni mæltu eisini frá eins og umboð fyri vinnuna.

Kortini mæltu allir limirnir í vinnunevndini uttan ein Løgtinginum til at samtykkja uppskotið, tá nevndin í gjár kom við sínum áliti. Formaðurin, Ben Arabo, heldur, at øll skipanin eigur at endurskoðast - og hann letur upp fyri at lata kvotur koma í staðin fyri fiskidagar, tá tað snýr seg um tey størru skipini.