Skótahálpin letur 100.000 krónur til neyðhjálp í Kolumbia

Skótahjálpin í Føroyum letur 100.000 krónur til neyðhjálpararbeiðið í Kolumbia í sambandi við ógvisliga jarðskjálvtan, ið rakti landið herfyri.

Peningurin er latin úr grunninum hjá Skótahjálpini, ið er ætlaður brádliga íkomnum neyðstøðum.

Peningurin er latin hjálparfelagsskapinum Fundación Internacional Maranata í Bogotá, sum saman við felagsskapinum Operation Mobilization - vanliga kallaður OM - hevur yvirlit yvir, hvar og hvussu peningurin á bestan hátt kann brúkast.

Hetta er aðru ferð í ár, at Skótahjálpin letur úr grunninum til brádliga íkomnar neyðstøður. Fyrru ferð var í juli mánaði, tá ið Skótahjálpin læt 100.000 krónur til neyðhjálpararbeiðið í sambandi við jarðskjálvtarnar í Venesuela.