Lesa tekst, men skilja ikki innihaldið

Tað sigur Oddfríður Marni Rasmussen, lærari í hádeildini á skúlanum á Fløtum í Havn, nú nýggja PISA-kanningin staðfestir, at nærum annarhvør næmingur dugir alt ov illa at lesa og skilja tekst.

Í gjár var PISA-kanningin frá 2025 løgd fram.

Føroysku næmingarnir fingu 428 stig í lesing. Tað eru 19 stig færri enn í 2022, og heili 42 stig færri enn í 2015.

jastrid_a_dalbo.jpg

Jastrid á Dalbø, lærari í Fuglafjarðar skúla.

Børn lesa ov lítið 

Jastrid á Dalbø, lærari í hádeild í Fuglafjarðar skúla, kennir eisini til trupulleikan.

Hon sigur, at tað enska ávirkar nógv

- Tað eru nógv børn, sum lesa ov lítið, og tí má meira gerast fyri at fáa børn at lesa, sigur Jastrid á Dalbø.