Knívsstunga: Varðhaldsfongslaður í fýra vikur

Ein 47 ára gamal maður varð í grundlógaravhoyring í gjár varðhaldsfongslaður í fýra vikur. Maðurin er skuldsettur fyri at hava stungið ein 52 ára gamlan mann fýra ferðir í búkin og eina ferð í lærið.

Hetta hendi um níggju-tíðina leygarkvøldið í eini íbúð í Vesturbýnum í Havn. Sambært politinum fóru menninir til hendurs heima hjá tí manninum, sum stakk.

Maðurin, sum varð stungin, fór sjálvur á Landssjúkrahúsið, har hann alt fyri eitt varð lagdur undir skurð. Skurðviðgerðin vardi í tveir tímar.