Høvdu ikki loðs umborð

Tað, norska politiið veit, var eingin loðsur umborð á teimum trimum skipunum, sum stoyttu saman við Ålesund sunnunáttina.

Og tað vátta havnamyndugleikarnir. 

Men skipini høvdu loyvi til at sigla uttan loðs.

Tað var sunnunáttina, at trý skip, eitt tangaskip og tvey farmaskip, stoyttu saman í Valderhaugfjørðinum við Ålesund í Noregi.

Tvey skip sigldu norðureftir og eitt suðureftir.

Eingin er skuldsettur í málinum, men teir, sum vóru á brúnni, eru undir illgruna.

Bergfjord og Hav Frakt liggja í Ålesund og bíða eftir boðum frá norska sjóvinnustýrinum.

Tey skulu umvælast, áðrenn tey fáa loyvi at sigla aftur.

Orsøkin til samanstoytin er ikki kend. Politiið kannar enn málið.  

Promilluroyndir eru tiknar. Tær vístu, at eingin var ávirkaður.