Tóri og Jenny vunnu fyrsta meistaraheitið í rørslumegi

Tóri Wardum Rasmussen úr Tvørmegi og Jenny Persson úr Styrkifelagnum Stoyt vóru best, tá fyrstu føroyameistaraheitini í rørslumegi vóru í Havn síðsta vikuskiftið.

Kappast var í seks greinum, ið kallaðust ávíkavist treysti, ferð, styrki, kropsvekt, serkønur og blandað.

Hjá monnum var Bárður Skorheim Guttesen nummar tvey, og Eyðun Hentze Højgaard endaði á triðja plássi. Báðir eru úr Tvørmegi.

Hjá kvinnum endaði Kirstin Lützen á øðrum plássi, og Iben Nyholm Debess fekk bronsuna. Báðar umboðaðu Tvørmegi.

Sjey menn og fýra kvinnur kappaðust í kappingini undir Styrkisambandi Føroya.