Serlæknapuljan var avgerandi fyri meg

- Eg hevði ikki fingið mítt starv uttan serlæknapuljuna.

Tað sigur Laurits Frøssing, sum byrjaði í starvinum sum serlækni í lungnasjúkum á Landssjúkrahúsinum í september í ár.

Í løtuni eru tríggir serlæknar í lungnasjúkum á Landssjúkrahúsinum. Við stuðli úr serlæknapuljuni fekk hann starvið sum tann triði.

Starvið var eisini ein treyt fyri, at hann flutti til Føroya saman við familjuni.

Eingin játtan til serlæknapuljuna næsta ár

Í fíggjarlógaruppskotinum fyri 2027 er eingin nýggj játtan sett av til serlæknapuljuna. Í ár eru játtaðar 3,95 milliónir krónur, men eingin nýggj játtan verður næsta ár.

Sjálvur hevur Laurits Frøssing fingið starv á Landssjúkrahúsinum, men hann stúrir fyri, at færri serlæknar verða settir, tí eingin játtan er sett av til puljuna næsta ár.

Sparingin kann merkja, at læknar fara at leita eftir størvum aðrastaðni.

- Tað er óheppið fyri sjúklingar og Heilsuverkið, sigur hann.

Sí meira í innslagi í Degi og viku.

LES EISINI: Eingin játtan til serlæknapulju - Læknafelagið rópar varskó