Orkuískoytið samtykt um góða viku

Semja er í løgtinginum um, at orkuískoytið verður dupult so stórt í ár.

Trivnaðarnevndin tekur undir við uppskotinum hjá landsstýrinum. 

Húski skulu fáa møguleika til at søkja um eitt orkuískoyti aftrat, 5.000 kr. aftrat, í ár.

Umsóknarfreistin verður 25. november.

Við hesum verður orkuískoytið 10.000 kr. í ár. 

400 húski fingu orkuískoyti í fyrra umsóknarumfarinum í ár.

Landsstýrið væntar, at talið verður tað sama í seinna umfarinum. 

So tað kostar landskassanum tvær milliónir krónur.

Pengarnir eru longu til, tí avlop er í játtanini til familjuískoyti í 2026.

Tí er ikki brúk fyri eykajáttan, sigur landsstýrið.

Skipanin um orkuískoyti, sum fer úr gildi á nýggjárinum, verður ikki longd.

Onnur viðgerð og atkvøðugreiðsla vera á næsta tingfundi, sum verður 4. november.