Avtalan samtykt í Grønlandi

Landstingið í Grønlandi samtykti í gjár verjuavtaluna við USA og Danmark.

Bara flokkurin Naleraq atkvøddi ímóti.

Men tað var ikki uttan svørðsslag, at avtalan bleiv samtykt.

Formansskapurin í landstinginum hevur meldað Naleraq til politiið fyri at bróta tagnarskylduna um upplýsingar í avtaluni.

Og Naleraq kom við uppskoti um misálit á Múte B. Egede, landsstýrismann í uttanríkismálum, tí hann ikki vil lata landstinginum hesar upplýsingar.

Men tað fekk onga undirtøku í landstinginum, og var ikki viðgjørt har.

Fólkatingið skal viðgera verjuavtaluna 19. november.