Fyrstu smoltini sett út við Velbastað

Leygardagin vórðu fyrstu smoltini sett út, tað var brunnbáturin Víkingur, sum førdi smoltini av Miðvági suður á Velbastað.

Tilsamans verða 170.000 smolt í aliringunum við Velbastað.

- Vit seta stór smolt út, tey størstu viga uml. 700 gramm, sigur stjórin á Hiddenfjord, Atli Gregersen, við heimasíðuna jn.fo.

Royndarverkætlan

Royndin hevur til endamáls at vita, um fiskur trívist í streymhørðum sjógvi

Heilsufrøðiliga Starvsstovan hevur givið alifelagnum Luna í Vágum loyvi at leggja út tríggjar aliringar í Hestfjørð - út fyri Velbastað.

Luna hevur loyvi at ala í Hestfirði, frá Kirkjubønesi og til Miðvágs, og Alti Gregersen, stjóri sigur kvf.fo, at hetta verður gjørt sum royndarverkætlan fyri at vita, um fiskur yvirhøvur trívist í harða streyminum út fyri Velbastað.