Søkja eftir stjóra til Arbeiðseftirlitið

Almanna- og bústaðamálaráðið søkir nú eftir stjóra til Arbeiðseftirlitið.

Í starvslýsingini verður sagt, at Arbeiðseftirlitið stendur á einum vegamóti, eftir at tað 1. september varð umskipað frá at vera arbeiðs- og brunaeftirlit.

Tá fór Leivur Persson frá sum stjóri í Arbeiðs- og Brunaeftirlitinum, og síðani hevur Tummas Pauli Juul verið virkandi stjóri á Arbeiðseftirlitinum.

Í løtuni starvast 16 fólk á Arbeiðseftirlitinum.

Umsóknarfreistin er 6. desember, og ætlanin er, at nýggi stjórin skal taka við 1. februar 2027, ella eftir nærri avtalu.