Russland og Kina forða fyri loysn í Sýrialandi

Fyri triðu ferð í níggju mánaðir steðga russar og kinverjar einari Sýrialands-samtykt við at nýta sýtingarrætin - sum fastir limir í Trygdarráðnum.

Russland og Kina forðaðu aftur í dag fyri einari ST-samtykt, sum hevði til endamáls at revsa stjórnina í Sýrialandi.

Grækaris Djurhuus Magnussen

19.07.2012 - 17:36

Ellivu onnur lond í Trygdarráðnum atkvøddu fyri samtyktini í dag, meðan Suðurafrika og Pakistan als ikki atkvøddu.Ætlanin við revsitiltøkunum var at leggja økt trýst á Bashar al-Assad, forseta, og stjórn hansara í Damaskus. Túsundtals fólk eru deyð í uppreistrarbardøgum í Sýrialandi seinastu 16 mánaðirnar. Sendiharri í øðini
ST-sendiharrin hjá Bretlandi, Mark Lyall Grant, var í øðini eftir atkvøðugreiðsluna. Hann skuldsetti Russland og Kina fyri at "svíkja fólkið í Sýrialandi", og at "verja eitt harðrent stýri".- Eg eri skelkaður, segði Grant eftir atkvøðugreiðsluna. Vesturheimurin øsir yvirgangsfólk uppRussiski sendiharrin svaraði við at skuldseta Vesturheimin fyri at renna "geo-politisk ørindi", sum onki hevur við fólkið í Sýrialandi at gera. Og hann skuldsetti eisini Vesturheimin fyri at øsa upp og eggja yvirgangsfelagsskapir í Sýrialandi.Sambært AP-tíðindastovuni sendi kinverska uttanríkisráðið út eitt tíðindaskriv fyrr í dag, har sagt verður, at Kina er ímóti øllum yvirgangsvirksemi. Og kinverska stjórnin fordømir bumbuspreinginga í Damaskus í gjár. Sýrialendski verjumálaráðharrin og varaforsætisráðharrin, sum eisini var svágur al-Assad, forseta, doyðu í spreingingini.
- Kina harmast vaksandi spennindin í Sýrialandi, og Kina mælir øllum pørtum at leggja vápnini beinanvegin, verður sagt í tíðindaskrivinum.