Russiskar deildir hava tikið herflotastøð

AP-tíðindastovan skrivar í dag, at ein av myndamonnum teirra hevur sæð fleiri hundrað sjálvverjuherfólk søkt at høvuðsdstøðini hjá ukrainska herflotanum.

Teir skulu hava heysað russiska flaggið uttan fyri høvuðsdeildina og kring sjálva høvuðsdeildina, meðan ukrainskir tænastumenn stóðu vakt við høvuðdsbygningin.

Russiskt vinarligi bólkurin bíðaði í umleið ein tíma uttanfyri, áðrenn teir tóku seg inn á sjálva herflotastøðina. Nú eru ukrainskir tænastumenn, sum onga mótstøðu gjørdu, í ferð við at pakka niður – og at rýma av støðini.

”Vit hava ongi skot latið av, og russararnir eru óvápnaðir,” sigur Sergiy Bogdanov, talsmaður á ukrainsku herflotastøðini.

Kommandørurin í russiska Svartahavsflotanum skal vera komin á herflotastøðina at samráðast, skrivar AP.

Kelda: AP/VG