Mjølnir og ÍF FM-vinnarar í flogbólti

Flogbóltskappingin hjá kvinnum endaði við einum sera undirhaldandi dysti. Mjølnir vann 3-2 á Fleyr. 

Settúrslitini: 11-25, 25-22, 25-18,24-26 og 15-13.

Hetta er fjórða árið á rað, at Mjølnir er føroyameistari í kvinnukappingini í flogbólti.

Hetta er eisini fjórða árið á rað, at Mjølnir vinnur bæði steypakappingina og FM.

ÍF-sigurin ongantíð í vanda

ÍF er føroyameistari hjá monnum annað árið á rað.

Tað var ongantíð nakar ivi um sigurin. ÍF vann greitt 3-0 við settúrslitunum: 25-15, 25-20 og 25-15.

ÍF er samstundis greipuvinnari annað árið á rað.