Javnstøðulógin verður ikki broytt

Javnstøðulógin verður ikki broytt
Landsstýrið velur, so frægt sum tað kann, eins nógvar kvinnur og menn í nevndirnar í almennum partafeløgum, heldur meirilutin í Vinnunevndini
 
09.04.2014 - 10:31

Landsstýrið velur, so frægt sum tað kann, eins nógvar kvinnur og menn í nevndirnar í partafeløgum, sum tað almenna eigur.

Tí er óneyðugt at broyta javnstøðulógina, heldur meirilutin í Vinnunevndini hjá løgtinginum.

Meirilutin mælir løgtinginum frá at samtykkja uppskotið hjá Javnaðarflokkinum og Tjóðveldi um at broyta javnstøðulógina, so hon eisini fer at umfata almennu partafeløgini.

Meirilutin, nevndarlimirnir hjá samgonguni, siga, at samgongan strembar eftir at velja líka nógvar kvinnur og menn í nevndirnar í partafeløgunum hjá landinum.

Men enn er ikki komið á mál við tí, viðgongur meirilutin.

Umboðini hjá andstøðuni í Vinnunevndini, tey eru úr Javnaðarflokkinum, Tjóðveldi og Sjálvstýrisflokkinum, siga, at yvirlitið yvir nevndarlimir, sum landsstýrisfólkini velja, vísir púra greitt, at tey gera sær ikki nóg stóran ómak at finna væl skikkað fólk av báðum kynum í nevndirnar.

Tí er neyðugt at broyta lógina, sigur minnilutin í Vinnunevndini.

Hetta er triðja royndin at fáa løgtingið at víðka javnstøðulógina.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592