Svartkjafturin er ikki komin í føroyskan sjógv enn

Í gjár fekk Finnur Fríði til dømis 1200 tons av svartkjafti, Jupiter boðaði Vørn frá 1120 tonsum, og Tróndur í Gøtu hevði 1000 tons.

Nakrir russiskir trolarar eru í føroyskum sjógvi, ein boðaði frá, at hann fekk 84 tons av svartkjafti í gjár og ein annar fekk 77 tons.

Russisku skipini virka svartkjaftin umborð og leggja seg ikki eftir at fáa tær stóru nøgdirnar í senn.  

Íslendski skipini, sum hava bíðað í føroyskum havnum eftir svartkjaftinum, eru nú sambært Vørn á gráu leiðini millum føroyska markið og bretska markið.