- Tíðindi, mentan og ítróttur
Landskassin skal rinda 3,4 mia. kr. í eftirløn
<p>3,4 milliardir krónur.</p><div><br></div><div>Tað er upphæddin , sum landskassin hevur skyldu at rinda teimum, ið hava tænastumannaeftirløn.</div><div><br></div><div>Gjaldstovan ger í løtuni upp tænastumannaeftirlønirnar, og er komin til tað úrslit, at skyldan er 3,5 milliardir krónur. Av hesum verður mett, at danska ríkisstjórnin eigur 400 milliónir krónur frá tíðini, áðrenn føroyskir myndugleikar yvirtóku málsøkini. Nettoskylda landskassans verður sostatt 3,1 milliard.</div><div><br></div><div>Men 10 prosent eru framvegis eftir at gera upp, og tá ið danski parturin er drigin frá, verður føroyska skyldan 3,4 milliardir kr., sigur Fíggjarmálaráðið. Tá er roknað við eini uppgerðarrentu, ið er eitt prosent.</div><div><br></div><div>Eftirlønarskyldan er gjørd óskattað, og tí verður skylda landskassans netto minni eftir skatt.</div><div><br></div><div>Tænastumenn eru m.a. løgmenn, landsstýrisfólk og løgtingsfólk. </div><div><br></div><div><b>Færri tænastumenn</b></div><div><br></div><div>Seinastu árini eru flestu almennu starvsfólkini sett sambært sáttmála, har eftirlønargjaldið verður útreiðsluført hjá avvarðandi stovni. Tá starvsfólkið fer úr starvi, fær tað sína eftirløn frá lívstryggingarfelagnum.</div><div><br></div><div>Hetta hevur havt við sær, at talið av tænastumonnum er minkað munandi. Í ár eru 442 tænastumenn í starvi. Hinvegin er talið á persónum, ið fáa tænastumannaeftirløn útgoldna, vaksið, og var um ársskiftið 598.</div><div><br></div><div>Sostatt minkar eftirlønarskyldan, men tað sæst ikki aftur, fyrr enn um 15-20 ár, tá ið síðstu tænastumenninir á skúlaøkinum g serstovnaøkinum fáa eftirløn, sigur Fíggjarmálaráðið.</div><div><br></div>
