Turið og Boas vóru best hetta kappingarárið

Turið Arge Samuelsen úr Kyndli og Boas Ellefsen á Skipagøtu eru kosin ársins spælarar í bestu føroysku hondbóltskappingunum farna kappingarár.

Við 267 málum í SMS-deildini hjálpti vinstri bakkurin hjá Kyndli felagnum at vinna bæði lands- og steypakapping, og aftur í ár var Turið Arge Samuelsen einastandandi álopsvápnið í kappingini við kvinnum.

VÍF hevði eisini eitt gott kappingarár við silvurmerkjunum í báðum kappingunum. Í FM-finalunum trýstu vestmenningar Kyndil í fýra dystum, og Fríða Nolsøe Olsen úr og Lív Sveinbjørnsdóttir Poulsen úr VÍF vóru eisini í uppskoti til ársins spælara.

vif_kyndil-3.jpg

Frítekst tagging: 

Ítróttur

Hondbóltur

Steypafinalurnar í hondbólti

Turið Arge Samuelsen

Hjá monnum var H71 eitt stig omanfyri hini liðini við eini breidd, sum einki annað felag hevði. Tað var kortini Boas Ellefsen á Skipagøtu, sum gjørdi mest vart við seg í Hoyvík og í landskappingini. Blaðungi bakspælarin skoraði 129 ferðir og legði upp til 112 og hjálpti H71 at vinna greipuna við sigrum á Kyndli í steypa- og FM-finalunum.

Ovi Lützen úr Kyndli og Jákup Egholm úr H71 vóru eisini í uppskoti til heiðurin.

Fleiri aðrir heiðrar vóru latnir á hondbóltsgalla leygarkvøldið, og tað vóru serliga Kyndil, H71 og VÍF sum fóru avstað við teimum. Ársins lið vórðu kosin av Mark Lausen-Marcher, ítróttastjóra í Hondbóltssambandi Føroya, Jórun Ludvig, ungdómslandsliðsvenjara, og Sjúrði Hoydal, ítróttafjølmiðlafólki.

Kvinnur:
Turið Arge Samuelsen, Kyndil
Ársins málverji: Gylta Djurhuus á Neystabø, Kyndil
Ársins verjuspælari: Bjarta Osberg Johansen, Kyndil
Ársins áleypari: Turið Arge Samuelsen, Kyndil
Ársins stjørnuskot: Gylta Djurhuus á Neystabø
Ársins venjari: Pether Krautmeyer, Kyndil
Toppskjútti: Turið Arge Samuelsen

Ársins lið, kvinnur:
Málverji: Gylta Djurhuus á Neystabø, Kyndil
Vinstri vongur: Sára Berg á Lag, H71
Vinstri bakkur: Turið Arge Samuelsen, Kyndil
Miðja: Fríða Nolsøe Olsen, VÍF
Høgri bakkur: Lív Sveinbjørnsdóttir Poulsen, VÍF
Høgri vongur: Joan Johannesen, Kyndil
Strika: Bjarta Osberg Johansen, Kyndil

Menn:
Ársins spælari: Boas Ellefsen á Skipagøtu, H71
Ársins málverji: Tórður Skorheim Guttesen, Kyndil
Ársins verjuspælari: Helgi Holdarson Hoydal, H71
Ársins áleypari: Boas Ellefsen á Skipagøtu, H71
Ársins stjørnuskot: Boas Ellefsen á Skipagøtu, H71
Ársins venjari: Djóni Gaard Joensen, H71
Toppskjútti: Filip Jojic, VÍF

Ársins lið, menn:
Málverji: Tórður Skorheim Guttesen, Kyndil
Vinstri vongur: Jákup Egholm, H71
Vinstri bakkur: Boas Ellefsen á Skipagøtu, H71
Miðja: Ovi Lützen, Kyndil
Høgri bakkur: Pauli Hentze Rasmussen, StÍF
Høgri vongur: Silas Faurholt Jacobsen, StÍF
Strika: Helgi Hildarson Hoydal, H71