Trýsttangin verður fluttur á Landssjúkrahúsið

Trýsttangin hjá kavarum verður nú fluttur  á Landssjúkrahúsið at standa.

Kavararnir eru í verkfalli, tí trýsttangin vegna vantandi fígging er ikki  longur virkin, og fyrrapartin hevur málið um trýsttangan verið fyri á landsstýrisfundi.

Semja varð gjørd um, at tangin nú skal flytast av Sandvíkarhjalla á Landssjúkrahúsið, og at Heilsumálaráðið rindar fyri flutningin. 

Stríð hevur verið um rokningina fyri gjøld til læknar, sum skulu vera á vakt, men har hevur landsstýrið gjørt eina fyribilsavtalu um, at Vørn í nakrar mánaðir rindar ta rokningina, til ein endalig loysn er funnin.