Íleggingargrunnurin 150 mió. í avlopi í fimm ár

Íleggingargrunnurin hevði 26 milliónir kr. í avlopi fyri skatt í fjør. Seinastu fimm árini hevur avlopið verið tilsamans 150 milliónir kr. Grunnurin hevur goldið tilsamans 27 milliónir í skatti, og sostatt hevur samlaða úrslitið eftir skatt hesi fimm árini verið 123 milliónir kr., skrivar Vinnuvitan.foÍ 2009 var eginognin í

Íleggingargrunninum 522 milliónir. Hetta var, eftir at 365 milliónir kr. vórðu tiknar úr grunninum til at útbyggja flogvøllin. 

Við árslok í fjør var eginognin vaksin 95 milliónir, upp í 617 milliónir. At alt avlopið seinastu árini ikki er lagt afturat eginognini, kemst av, at 28 milliónir kr. vórðu tiknar úr Íleggingargrunnin aftrat í fjør til at beina burtur gamla dynamittið á flogvøllinum. 

400 mió. kr. læntar út

Útlánini eru í løtuni góðar 405 milliónir. Stóru útlánini eru farin til nýggj flogfør hjá Atlantsflogi, Vágatunnilin og Norðoyatunnilin. Íleggingargrunnurin hevur harumframt 210 milliónir kr. í tøkum gjaldføri.

Sambært Vinnuvitan.fo fingu nevndarlimirnir í Íleggingargrunninum tilsamans 240.000 krónur í samsýningum í fjør.