Freistin at søkja um ferðastuðul nærkast

Verða umsóknir latnar inn til Taks fyri 9. juli, altso nú mikudagin, er peningurin á kontu 19. august.

Ferðastuðul verður veittur fyri ferðing, bæði á landi og sjóvegis, millum bústað og arbeiðsstað í Føroyum. Søkjast kann um ferðastuðul fyri teir arbeiðsdagar, umsøkjarin hevur ferðast millum bústað og arbeiðsstað.

Ferðastuðul verður veittur fyri í mesta lagi 220 dagar árliga, fyri hvønn arbeiðsgevara.

Hvør fær ferðastuðul?

Fyri at fáa ferðastuðul skal ein vera fult skattskyldug í Føroyum

• vera búsitandi í Føroyum

• hava lønarinntøku, herundir fiski- og útróðrarpart

• hava útreiðslur í sambandi við ferðing millum bústað og arbeiðsstað

• hava eina fjarstøðu millum bústað og arbeiðsstað, ið er longri enn 20 km, fram og aftur.

Kunning og umsóknarbløð til ferðastuðul Taks.fo.