- Tíðindi, mentan og ítróttur
ALS-útgjaldið lækkar
<div>-Ein beiskur biti fyri allar partar, men neyðugt fyri at Arbeiðsloysisskipanin kann virka nøktandi frameftir. </div><div><br></div><div>Tað sigur meirilutin av vinnunevndini hjá løgtinginum, sum tí tekur undir við broytingunum í lóggávuni fyri ALS, ið landsstýrismaðurin í vinnumálum hevur mælt til.</div><div><br></div><div>ALS hevur verið í vinnunevndini og greitt frá støðuni. Turru tølini staðfesta, at við verandi gongd er eginognin hjá ALS burtur í 2014 - og í 2015 er eginognin negativ við 129 milliónum krónum.</div><div><br></div><div>Til samanberingar var eginognin omanfyri 700 milliónir krónur í 2009. Men tvey ár á rað við risa undirskoti - 112 milliónir í 2010 og 189 milliónir í 2011 - noyða ALS at stramma upp.</div><div><br></div><div>Semjan millum partarnar á arbeiðsmarknaðinum, sum vara av ALS, er bæði at hækka inngjaldið í ALS og lækka útgjaldið til tey arbeiðsleysu.</div><div><br></div><div>ALS hevur roknað seg fram til, at við at hækka inngjaldsprosentið úr einum prosenti upp í 1,25 prosent kann ALS fáa 33 milliónir krónur meira í kassan. </div><div><br></div><div>Og á útreiðslusíðuni ber til at spara umleið 32 milliónir tilsamans við at lækka útgjaldsprosentið úr 80 niður í 75 prosent, lækka hægsta útgjaldið úr 20.000 krónum niður í 17.500 krónur um mánaðin og at lata fólk vera arbeiðsleys í 10 dagar áðrenn tey fáa fyrstu krónurnar úr ALS.</div><div><br></div><div>Við hesum átøkunum, ið geva umleið 65 milliónir, roknar ALS við at fáa undirskotið fyri 2012 niður á 137 milliónir krónur. </div><div><br></div><div>Meirilutin í vinnunevndini hjá løgtinginum, tað eru samgonguumboðini og umboðið hjá Framsókn, taka undir við broytingunum, og mæla løgtinginum til at samtykkja tær.</div><div><br></div><div>Minnilutin, umboðini hjá Tjóðveldi og Javnaðarflokkinum, vísir á at broytingarnar fara at økja um fíggjarliga munin millum rík og fátøk. Tí verður mælt til at áseta eitt tíðaravmarkað samhalds-festis-gjald til ALS, soleiðis at tær høgu inntøkurnar eitt tíðarskeið rinda lutfalsliga meira inn í ALS-kassan. Minnilutin skýrir ætlaðu lógarbrotingarnar at venda skeivt, sosialt, og mælir tí tinginum frá at samtykkja tær.</div><div><br></div><div><br></div><div><br></div>
