- Tíðindi, mentan og ítróttur
Samgongan vrakar uppskot hjá andstøðu um mentamál
<div>Meirilutin í Fíggjarnevndini mælir frá at lata 500.000 kr. til filmsgerð, 300.000 kr. til Symfoniorkestrið og 500.000 kr. til Eftirskúlan í Suðuroynni. </div><div><div><br></div><div>Orsøkin er, sigur meirilutin, at uppskotini halda ikki meginregluna um, at eykajáttanir skulu vera útreiðsluneutralar. Tað merkir, at pengarnir, ið skulu latast sum eykajáttan, skulu takast aðra staðni í fíggjarlógini.</div><div><br></div><div>Tjóðveldi skjýtur eisini upp at flyta 650.000 kr. av kontuni ymiskir studningar, sum Mentamálaráðið ræður yvir, til Mentanargrunnin.</div><div><br></div><div>Hetta uppskotið er útreiðsluneutralt. Men her hava samgongumenninir í Fíggjarnevndini eina aðra orsøk til at mæla løgtinginum frá at samtykkja uppskotið. </div><div><br></div><div>Og tað er afturvendandi frágreiðingin hjá øllum samgongum, tá støða skal takast til uppskot hjá andstøðuni.</div><div><br></div><div>Bárður Nielsen, Jákup Mikkelsen, Rodmundur Nielsen og Bill Justinussen siga, at landsstýrismaðurin í mentamálum hevur upplýst, at hann arbeiðir við málinum og væntar at koma í løgtingið við einum uppskoti í heyst. </div><div><br></div><div>Tjóðveldi sigur, at Mentamálaráðið hevur nógvar smáar stuðuljáttanir, til samans 650.000 kr, til mentanarátøk. Tað er góður fyrisitingarsiður, at stuðulsjáttanir ikki eru ov nær landsstýrisfólkinum. </div><div><br></div><div>Tí eigur Mentanargrunnurin at fáa tær 650.000 kr. at ráða yvir, so hann avger, hvussu stuðulin frá landinum til list og mentan skal raðfestast. </div><div><br></div><div>Men sambært samgongumonnunum í Fíggjarnevndini verður hetta gjørt í heyst, tá landsstýrismaðurin kemur við uppskoti um tað. </div></div>
