966 nýggir persónbilar í ár

Akstovan skrásetti 154 akfør fleiri fyrstu sjey mánaðirnar enn somu tíð í fjør.

Frá januar til juli vórðu skrásett tilsamans 1281 akfør samanborið við 1127 somu tíð í fjør. Vøksturin er 13,7 prosent. 

Fyrstu sjey mánaðirnar vórðu skrásettir 966 nýggir persónbilar, tað eru 97 fleiri enn somu tíð í fjør. Vøksturin er góð 11 prosent. 

135 vørubilar eru skrásettir í ár, og tað eru 25 fleiri enn somu tíð í fjør. 

Áhugin fyri prutlum er eisini vaksin. Í ár eru skrásett 55 nýggj prutl, og tað eru 29 fleiri enn fyrstu sjey mánaðirnar í fjør.