ES-tiltøk úr gildi - bíða enn eftir Russlandi

ES-stongsilin móti Føroyum, sum hevur vart í eitt ár, fer úr gildi í dag. 

Fiskivinnukommisserurin hjá ES, Maria Damanaki, kunngjørdi mánadagin, at ES ógildar tiltøkini í dag, 20. august.

Samstundis sum ES-tiltøkini fara úr gildi, bíða føroyskir myndugleikar framvegis eftir skrivligu váttanini úr Russland, sum skal staðfesta, at Føroyar ikki eru fevndar av innflutningsbanninum har. 

Gunnar Holm Jacobsen, deildarstjóri á uttanríkistænastuni í Tinganesi, fekk longu í farnu viku munnliga váttan um, at bannið fevnir ikki um Føroyar. 

Men skrivliga váttanin, sum russar hava lovað føroyingum, er framvegis ikki komin, sigur Gunnar Holm Jacobsen í dag.