Vápnahvíldin í Ukraina brotin

Sambært einum tíðindafólki hjá Reuters, eru skot latin eystanfyri havnarbýin Marjupol seint í gjárkvøldið.

 - Álop hava verið, men vit hava ongar upplýsingar um nakran, ið er løstaður, sigur ein ukrainskur heryvirmaður við Reuters.

Fólk frá tíðindastovuni AFP boða frá, at fleiri spreingingar hava verið eystanfyri býin.

Tað sama siga fólk frá BBC.

Hetta er sama øki, har fleiri blóðugir samanbrestir hava verið millum uppreistrarfólkini og ukrainska herin.

Vápnahvíldin varð lýst fríggjakvøldið.

Umleið 2600 fólk hava latið lív í samanbrestunum.