Vildi verja abbabarnið

Rættarfundurin ígjár snúði seg um, hvørt dóttir hansara ella fyrrverandi versonurin skuldi hava foreldramyndugleika hjá trý ára gamla abbabarni hansara. 

Í grundlógaravhoyringini greiddi 67 ára gamli abbin frá, at hann fleiri ferðir hevði sent bræv til sakføraran hjá pápa abbabarninum, tí abbin metti, at sakførarin fleiri ferðir hevur ført fram ósannindi.

Møtti fyri dóttrina

 Undir grundlógaravhoyringini kom fram, at abbin møtti í rættinum fyri dóttir sína, sum hevði givið honum fulltrú til tað. 

Longu mánadagin avgjørdi abbin at taka við sær vápn í rættin. Hann fór út í verkstaðið hjá sær og sagaði 60 sentimetrar av pípuni á byrsuni.

Abbin skeyt hann fyrst 31 ára gamla pápan hjá abbabarni sínum, og síðani 57 ára gamla sakføraran. Undir grundlógaravhoyringini greiddi abbin frá, at hann eisini ætlaði at skjóta seg sjálvan, men ongar patrónir vóru eftir.