- Tíðindi, mentan og ítróttur
Havrannsóknarskipið og tjóðleikhúsið bíða
<div>Fyrrapartin í morgin verður spariætlanin hjá landsstýrinum kunngjørd, so hallið á fíggjarlógini verður burtur í 2016.</div><div><br></div><div>Uppskotið til samtyktar um játtanarkarmar fyri 2013 verður lagt fram á tingfundinum klokkan hálvgum tíggju, og tíðindafundur verður í Fíggjarmálaráðnum hálvan tíma seinni.</div><div><br></div><div>Landsstýrismaðurin í fíggjarmálum fæst ikki at siga, hvat ætlaða hallið verður á fíggjarlógini næsta ár, men útvarpið hevur frætt, at hallið verður undir 300 milliónir krónur.</div><div><br></div><div>Semja er í landsstýrinum um karmarnar, men útvarpið skilir, at flokkarnir eru ósamdir um íløguætlanina. Tað ljóðar, at nýggja havrannsóknarskipið má bakka fyri tronga búskapinum, og ætlanin við nýggjum tjóðleikhúsi er eisini útsett.</div><div><br></div><div>Sandoyartunnilin fær 10 milliónir krónur í 2015, og so er ætlanin at seta pengar av í 2016 og 2017.</div><div><br></div><div>Tunnilin Norður um Fjall er eisini útsettur, men samgongan hevur sett sær fyri at kanna, hvussu nógv tað kostar at gera ein nýggjan tunnil til Hvalbiar.</div><div><br></div><div>Sum útvarpið skilir, verður verkætlanin um skúladepilin í Marknagili í Havn framd sum ætlað.</div>
