Ranieri fingið sekkin

Claudio Ranieri er ikki longur venjari hjá griska fótbóltslandsliðnum. 

Tapið móti Føroyum í gjárkvøldið fekk í dag leiðsluna í griska fótbóltsambandinum at siga venjaran úr starvi. 

Ranieri fekk sostatt bert fýra dystir í starvinum sum griksur landsliðsvenjari. 

Hann tók við starvinum eftir HM-endaspælið í summar, har tað eydnaðist Grikkalandi at spæla seg í áttandaparts-finalurnar. 

Men úrslitini í nýggju EM-undankappingini hava verið alt annað enn nøktandi fyri Grikkaland og leiðsluna í griska fótbóltssambandinum, sum nú tók avleiðingarnar og eftir kreppufund í dag segði venjaran frá. 

Grikkaland hevur bara fingið eitt stig og liggur á aftasta plássi í bólki F, nú fýra dystir eru leiktir. 

Føroyar hava trý stig á næstaaftasta plássi.