Soleiðis fullu atkvøðurnar í Grønlandi

Soleiðis fullu atkvøðurnar í Grønlandi
Siumut fekk 34,3 prosent av atkvøðunum, meðan Inuit Ataqatigiit fekk 33,2 prosent
 
29.11.2014 - 09:43

Tað var sera javnur dystur millum Siumut og Inuit Ataqatigiit á valinum í gjár. Men tá av tornaði gjørdist Siumut drúgvasti flokkurin. Siumut fekk 34,3 prosent av atkvøðunum, Inuit Ataqatigiit 33,2 prosent, Demokratarnir 11,8 prosent, Partii Naleraq 11,6 prosent, Atassut 6,5 prosent og Partii Inuit 1,6 prosent.

31 sessir eru í landstinginum í Grønlandi, og valúrslitið hevur við sær, at Siumut og IA fáa 11 tingsessir í part. Demokratarnir fáa 4 sessir. Partii Naleraq, sum er flokkurin hjá fyrrverandi landsstýrisformanninum, Hans Enoksen, fær 3 tingsessir. Og minsti flokkurin í landstinginum verður Atassut, sum fær 2 sessir. Partii Inuit sleppur ikki inn um tinggáttina hesaferð.

Flestu persónligar atkvøður fekk forkvinnan í IA, Sara Olsvig, sum fekk 5825 atkvøður. Næstflestar atkvøður fekk formaðurin í Siumut, Kim Kielsen, sum fekk persónliga álitisváttan frá 4604 veljarum. Og nummar trý á toppskoraralistanum gjørdist Hans Enoksen í Partii Naleraq, sum fekk 2425 persónligar atkvøður. Hans Enoksen fór úr Siumut í januar í ár.

 

 

 

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592