Kanna um samband er við aðrar neyðtøkuroyndir

<div>Politiið kannar framvegis, um nakað samband er millum neyðtøkuroyndina við Viðarlundina í Havn síðsta vikuskifti og tríggjar neyðtøkuroyndir í Havn í fjør.</div><div><br></div><div>Tað var síðsta sunnumorgun, at ein ungur maður royndi at neyðtaka eina 17 ára gamla gentu beint við inngongdina til Viðarlundina.</div><div><br></div><div>Ein 19 ára gamal maður varð handtikin og skuldsettur í málinum, men hann noktar seg sekan.&nbsp;</div><div><br></div><div>Politiið veit ikki enn, um hetta er sami maður, sum er eftirlýstur fyri tríggjar neyðtøkuroyndir í Havn í fjør - í juni, juli og oktober.&nbsp;</div><div><br></div><div>- Vit kanna framvegis, um nakað samband er millum hesar neyðtøkuroyndirnar. Higartil hava vit tó ongi tekin funnið um, at málini hava nakað samband við hvørt annað, sigur Bergleif Brimvík, kriminalovasti.&nbsp;</div><div><br></div><div>19 ára gamli maðurin, sum er skuldsettur fyri neyðtøkuroyndina sunnumorgunin er varðhaldsfongslaður í fýra vikur, og verður nú mentalkannaður.</div><div><br></div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>