Í lagi at hava almenn vakmyndatól

<div>Føroyingar halda, at vakmyndatól á almennum støðum eru í lagi.</div><div><br></div><div>81 prosent av teimum spurdu í kanningini, sum Gallup gjørdi fyri Dátueftirlitið, svaraðu ja, tá tey blivu spurd, um tað skal vera loyvt at hava vakmyndatól á almennum støðum, so sum handlum. 12 prosent svaraðu nei.</div><div><br></div><div>Eitt sindur fleiri menn enn kvinnur hava ongan ampa av vakmyndatólunum.&nbsp;Yngri fólk eru, minni ræðast tey bakmyndatólini. Serliga tey, sum eru 60 ár ella eldri, eru ivingarsom.</div><div><br></div><div>Kanningin vísir eisini, at tey við teimum høgu inntøkunum góðtaka vakmyndatólini betur enn tey lágløntu.&nbsp;</div><div><br></div><div>Áhugavert er eisini, at í Sandoynni eru nógv færri, sum svara ja enn aðra staðni í landinum.</div><div><br></div><div>Fólk vórðu eisini spurd, hvar vakmyndatól eiga at vera loyvd. Har fingu handlar 78 prosent, og aftast eru matstovur við 39 prosentum. &nbsp;</div><div><br></div><div>Náttarlív og vakmyndatól verða ofta nevnd í sama setningi. Gallup spurdi um vakmyndatól á vertshúsum og barrum, í lagi svaraðu 51 prosent, á Tinghúsvøllinum og Vaglinum í Havn, í lagi svaraðu 61 prosent, og 62 prosent vilja hava eftirlit í Steinatúni og Klubbagarðinum, sum eisini eru í Havn.</div><div><br></div>