Nýtt føroyskt met í hálvum marathon

Á ársins síðsta degi bleiv føroyska metið í hálv marathon tikið.

Marna Egholm rann 31.desember, saman við 5000 øðrum rennarum, Ånglamark hálvmarathon í Keypmannahavn.

Marna varð fyrsti kvinnuligi rennarin, ið kom um málstrikuna, og hon setti eisini nýtt føroyskt met.

Tíðin hjá Marnu var 1.20.57. Har við tók hon 22 sekund av gamla metinum, sum Valborg Heinesen setti á vári í 2014.

Renn.fo skrivar, at Marna var tveir minuttir framman fyri nummar tvey, sum var danski liðfelagin úr felagnum Sparta, Michelle Poulsen.