Finnland fær nýggjan forseta

<div>Sauli Niinistö vann forsetavalið í Finnlandi í gjár.</div><div><br></div><div>Fyrrverandi fíggjarmálaráðharrin úr Savningarflokkinum fekk 62,6 prosent av atkvøðunum.</div><div><br></div><div>- Tað var betri enn eg væntaði, sigur nýggi forsetin, sum sambært Ritzau lovar at vera forseti hjá øllum finnlendingum.</div><div><br></div><div>Mótstøðumaðurin, fyrrverandi menningar- og umhvørvisráðharrin, Pekka Haavisto úr Grøna Flokkinum, fekk 37,4 prosent av atkvøðunum.</div><div><br></div><div>Báðir taka undir við evruni.</div><div><br></div><div>Niinistö&nbsp;verður 12 forseti Finnlands, og tað er fyrstu ferð í 55 ár, at Savningarflokkurin fær forsetan, og fyrstu ferð í 30 ár, at ríkisleiðarin ikki er sosialdemokratur.</div><div><br></div><div>Nýggi forsetin tekur við eftir væl umtóktu Tarju Halonen, sum ikki kundi stilla uppaftur, tí &nbsp;hon hevur sitið tvey valskeið.&nbsp;Hon var landsins fyrsti kvinnuligi forseti.</div><div><br></div><div>Sauli Niinistö tekur við 1. mars.</div><div><br></div>