Væntar nógv færri inntøkur frá pensjónsgjaldinum

<div>Hevur løgtingið fingið rættar upplýsingar um skattainntøkurnar frá pensjónunum, sum nú verða skattaðar við inngjald?</div><div><br></div><div>Kristina Háfoss, løgtingskvinna, vil hava landsstýrismannin í fíggjarmálum, Jørgen Niclasen, at svara hesum spurningi.&nbsp;Løgtingskvinnan vísir á, at verða skattainntøkurnar frá pensjónunum í januar framskrivaðar, fær landskassin umleið 145 milliónir krónur í inntøku í ár.</div><div><br></div><div>Men sambært metingini hjá landsstýrismanninum í fíggjarmálum, sum eisini sæst í fíggjarlógini, geva inntøkurnar til landskassan, nú pensjónin verður skattað frammanundan, 220 milliónir krónur.</div><div><br></div><div>Metta upphæddin í fíggjarlógini er sostatt góðar 75 milliónir krónur hægri enn upphæddin, verður samanborið við framskrivaðu skattainntøkuna frá pensjónsinngjaldinum, sambært tølunum frá Taks í januar.</div><div><br></div><div>Kristina Háfoss spyr eisini Jørgen Niclasen, hví roknað verður við 550 milliónum krónum pensjónsinngjaldi umarið, tá framskrivaðu pensjónsinngjøldini í januar bæði fyri føroyskar og útlendskar skipanir vísa 377 milliónir krónur.</div><div><br></div><div>Munnligir fyrispurningar eru á skránni á tingfundinum mikudagin, og tá fer Jørgen Niclasen, landsstýrismaður, væntandi at svara fyrispurninginum.</div>