VÍF hevur fingið rumenskan leikara

<p>VÍF hevur funnið avloysaran fyri Duritu C. Jojic, sum orsaka av sjúku neyvan spælir meira í ár.</p>

<p>Talan er um 27 ára gomlu Adina Ghidoarca, sum er úr Rumenia.</p>

<p>Adina hevur í seinastuni spælt hondbólt í Turkalandi.</p>

<p>VÍF sigur, at talan er um ein sterkan leikara. Hon er bakkur, og hevur eitt gott langskot.</p>

<p>Felagið roynir í løtuni at fáa spælaraloyvið upp á pláss, so at hon kann spæla steypadyst móti Stjørnuni í morgin.</p>

<p>Henrik Gerster, venjari, væntar, at hon í øllum førum verður tøk til dystin móti Kyndli sunnudagin.</p>