Luis Enrique ivasamur

Barcelona hevur í ár vunnið spanska meistaraskapið, sponsku steypakappingina og í gjár vann Barcelona eisini Champions League-finaluna í Berlin.

Kortini so er framtíðin hjá venjaranum, Luis Enrique, óviss, skrivar Ritzau.

- Sannleikin er, at eg ikki veit, um eg haldi fram, sigur hann.

Fyrsta árið ófriðarligt

Hetta fyrsta árið í venjarastarvinum hjá Barcelona hevur verið nakað ófriðarligt. Kuril kom á tráðin við stjørnurnar Messi og Neymar.

Teir vórðu báðir tiknir av liðnum í dysti móti Real Sociedad - og Barcelona tapri so tann dystin 0-1.

Tapið hevði við sær, at fleiri leiðandi persónar í Barcelona løgdu frá sær, og nú í summar skal so forsetaval verða í Barcelona.

Hetta valið og politisku telvingarnar í tí sambandinum hava ávirkan á framtíðina hjá venjaranum, skrivar Ritzau.