Stillar ikki upp kortini

Rodmundur Nielsen er ikki longur valevni hjá Fólkaflokkinum. Hann boðaði frá um vikuskiftið, at hann vildi sleppa av aftur listanum, sigur Jørgen Niclasen, formaður Fólkafloksins.

Orsøkin er, at Rodmundur Nielsen hevur so nógv at gera í dagliga yrki sínum sum vinnulívsmaður, at hann ikki stillar upp til fólkatingsvalið kortini.

Eingin er komin á listan í staðin fyri Rodmund Nielsen. Nú hevur Fólkaflokkurin 12 valevni til fólkatingsvalið.