Putin svarar vesturheiminum aftur

Russiski forsetin, Vladimir Putin, hevur boðað frá, at bannið ímóti at innflyta kjøt úr vesturheiminum er longt við einum ári.

Bannið er ímóti kjøti úr USA, ES, Noregi, Kanada og Avstralia. Roknað varð við, at forboðið fór at verða longt við seks mánaðum.

ES gjørdi mánadagin av at leingja síni tiltøk ímóti Russlandi, til seinast í januar næsta ár.

ES setti í fjør tiltøk í verk ímóti Russlandi, eftir at ófriður brast á í Ukraina, og eftir at Rusland hevði lagt Krim-hálvoynna undir seg.

Seinni svaraði so Putin aftur, og setti innflutningsbann í verk ímóti fleiri vørum úr vesturheiminum.