Oyggjaleikasetan beinleiðis á kvf.fo

Klokkan 19:00 í kvøld verða oyggjaleikirnir á Jersey settir. Kringvarpið fer at stroyma setanina beinleiðis á kvf.fo

Umleið 270 føroyingar vera til setanina í Howard Davis parkini í St. Hellier. Í ár eru júst 30 ár síðani, at oyggjaleikirnir vóru á fyrsta sinni á Isle of Man í 1985.

Leikirnir eru blivnir størri við árunum, og í luttaka fleiri enn 3000 ítróttarfólk í 14 ítróttargreinum. Fyriskipararnir meta, at umleið 5000 fólk koma til setanina í kvøld.