Vónandi verða valini loynilig

Ein meginregla í vallógini er, at valið skal vera loyniligt. Men sambandsmaðurin Helgi Abrahamsen hevur víst á, at summi valstøð hava so fáar veljarar, at tað ber næstan til at seta navn á, hvør eigur hvørja atkvøðu.

Í vallógini er ásett, at einki valstað kann hava færri enn 10 veljarar. Tað er bara tríggir veljarar fleiri enn tað eru flokkar í løgtinginum.

- Hetta er ein fólkaræðisligur trupulleiki, og vónandi verður tað broytt nú, heldur Útoyggjafelagið

Í Útoyggjafelagnum siga tey kortini, at tað skal framvegis bera til at greiða atkvøðu í sjálvari bygdini, men at samanteljingin skal fara fram á einum størri valstað. 

Annika Olsen, landsstýriskvinna í almannamálum, hevur sagt, at eitt uppskot í vallógini kemur fyri løgtingið eftir ólavsøku. Uppskotið er, at minsta veljaratal á einum valstaði er 100 fólk.