Føroyar afturgond á FIFA-styrkislistanum

Føroyska fótbóltslandsliðið er farið tíggju pláss aftur á FIFA-styrkislistanum. Listin varð kunngjørdur í dag. Føroyar eru á 85. plássi.

Sigrarnir á Grikkalandi í EM-undankappingini syrgdu fyri, at Føroyar gjørdu eitt stórt lop á listanum, sum bleiv kunngjørdur í summar. Føroyar fóru frá at liggja nummar 102 til nummar 75.

Síðani hava Føroyar tapt fyri Norðurírlandi og Finnlandi, og tí er A-landsliðið farið tíggju pláss aftur á styrkislistanum hjá FIFA.

Sambært nýggjasta listanum er Argentina framvegis heimsins sterkasta fótbóltstjóð. Týskland er á øðrum plássi.

Sterkasta norðurlandi er Ísland á 23.plássi. Danmark er nummar 28, Noreg 34 og Svøríki er nummar 45.

Norðurlond

Tíggju tey sterkastu

FIFA-styrkislistin kann síggjast her

Um eina viku, hósdagin 8.oktober, spæla Ungarn og Føroyar í Budapest.

Sunnudagin 11. oktober spæla Føroyar og Rumenia á Tórsvølli. Tað er síðsti dysturin í hesi EM-undankappingini.