Russland útsetir oljuboring

Fyribils fara tey at steðga á við oljuboringini í tvey ella trý ár. Orsøkin er lækkandi oljuprísurin og tiltøkini, sum fleiri lond hava sett í verk ímóti Russlandi.

Russland hevði ætlanir um at bora 14 hol í havbotnin í 2017, men nú verður bert talan um tvey hol, sigur varastjórin í oljumálaráðnum, Denis Khramov.

Ætlanin er, at Russland fer at bora 28 hol í 2019, ístaðin fyri 19, sigur hann. Khramov vísir á, at tiltøkini sum ES og USA hava sett í verk ímóti Russlandi hava við sær, at Russland hevur ilt við at fáa neyðugu tøknina til vega, so borast kann í havbotnin.

Russland boraði 11 hol í havbotnin í fjør, sigur hann. Oljufelagið Rosneft eigur átta av leiðunum sum steðga á og Gazprom fimm, sigur varastjórin í oljumálaráðnum.