Bíðirøð eftir at sleppa til CTD-kanningar

Nógv fólk hava kannað seg fyri CTD-sjúkuna, síðani CTD-foreldrabólkurin herfyri heitti á tey - sum ikki longu eru kannað - at kanna seg fyri sjúkuna

Bíðitíð hevur seinastu tvær vikurnar verið á Rannsóknarstovuni á Landssjúkrahúsinum, síðani CTD-foreldrabólkurin heitti á fólk at kanna seg fyri CTD-sjúkuna, høvdu fólk ikki gjørt tað. Nú fara fleiri fólk at taka blóðroyndirnar

Bjarni Mohr

06.10.2015 - 14:19

Fyri tveimum vikum síðani hevði umleið triði hvør føroyingur ikki latið seg kanna fyri CTD-sjúkuna. Tað talið er helst lægri nú, tvær vikur seinni.

Nógv fólk hava tikið við áheitanini at lata seg kanna fyri CTD, og bíðitíðin á Rannsóknarstovuni hevur verið longri seinastu dagarnar, boðar Landssjúkrahúsið frá.

Greinin heldur fram niðanfyri

Landssjúkrahúsið boðar frá, at frá í morgin - mikudegnum 7. oktober - fara fleiri fólk at taka CTD-blóðroyndir á Rannsóknarstovuni, fyri at minka um bíðitíðina.

Tað var í eini almennari áheitan 27. september, at CTD-foreldrabólkurin heitti á fólk um at lata seg kanna fyri CTD-sjúkuna, eftir at foreldrabólkurin var savnaður á fundi.

Síðani tá hava miðlarnir eisini varpað ljós á evnið í fjølmiðlaumrøðuni. Kringvarpið sendir klokkan 17:05 í dag Vitan, ið hesa ferð snýr seg um CTD-sjúkuna.